ಪೂಜಾ ಗಾಂಧಿ ಮದುವೆಯಂತೆ ಅನ್ನೋ ಸುದ್ದಿ ಇಡೀ ಕರ್ನಾಟಕದಾದ್ಯಂತ ಎಲ್ಲ ಕಡೆ ಹಬ್ಬುತ್ತಲೇ ಇದೆ. ಅದು ಮೊದಲು ಗಾಸಿಪ್‌ ರೂಪದಲ್ಲಿ ಹರಡಿ ಆಮೇಲೆ ಅಧಿಕೃತವಾಗಿದೆ. ಖುದ್ದು ಪೂಜಾ ಗಾಂಧಿಯವರೇ ಈ ವಿಷಯವನ್ನು ಅಧಿಕೃತವಾಗಿ ಹೇಳಿದ್ಧಾರೆ.
ಪ್ರೀತಿಯ ಮಾಧ್ಯಮ ಮಿತ್ರರೇ, ಆತ್ಮೀಯರೇ, ನಿಮ್ಮೆಲ್ಲರಿಗೂ ನನ್ನ ನಮಸ್ಕಾರಗಳು. ನನ್ನ ಚಿತ್ರ ಜೀವನದ ಎಲ್ಲಾ ಬೆಳವಣಿಗೆಗಳಲ್ಲಿ ನೀವು ನನ್ನ ಜೊತೆಯಾಗಿದ್ದೀರಿ. ನವೆಂಬರ್ 29ರಂದು ಸಂಜೆ ಕುವೆಂಪು ಅವರ ಆಶಯದ ಮಂತ್ರ ಮಾಂಗಲ್ಯದ ಮೂಲಕ ವಿಜಯ್ ಘೋರ್ಪಡೆಯವರೊಂದಿಗೆ ಮದುವೆಯಾಗುತ್ತಿದ್ದೇನೆ. ಕುಟುಂಬದವರಾಗಿ ನೀವು ಬಂದು ಹರಸಿ, ಆಶೀರ್ವದಿಸಿ.. ಈ ಶುಭ ಸಂದರ್ಭದಲ್ಲಿ ಮತ್ತೊಮ್ಮೆ ನಿಮ್ಮೆಲ್ಲರಿಗೂ ನನ್ನ ಮನದಾಳದ ಧನ್ಯವಾದಗಳು..
ಹೀಗೊಂದು ಪೋಸ್ಟ್‌ ಹಾಕುವ ಮೂಲಕ ಪೂಜಾ ಗಾಂಧಿ ಮದುವೆಯನ್ನು ಅಧಿಕೃತಗೊಳಿಸಿದ್ದಾರೆ.
ಪೂಜಾ ಮದುವೆಯಾಗುತ್ತಿರುವ ಹುಡುಗನ ಹೆಸರು ವಿಜಯ್ ಘೋರ್ಪಡೆ. ಲಾಜಿಸ್ಟಿಕ್‌ ಉದ್ಯಮಿಯೂ ಆಗಿರುವ ವಿಜಯ್, ಪೂಜಾ ಅವರೊಂದಿಗೆ ಬಿಸಿನೆಸ್‌ ಪಾರ್ಟನರ್‌ ಕೂಡಾ ಆಗಿದ್ದರು. ದಶಕದ ಪರಿಚಯ ಮತ್ತು ಸ್ನೇಹ ಪ್ರೀತಿಯಾಗಿ ಬದಲಾಗಿ ಈಗ ಮದುವೆಯ ಹಂತಕ್ಕೆ ಬಂದಿದೆ. ಪೂಜಾ ಕನ್ನಡ ಕಲಿಯೋಕೆ ಕಾರಣವೂ ಕೂಡಾ ವಿಜಯ್ ಅವರೇ. ಇಂದು ಸಂಜೆ ಪೂಜಾ ಅವರು ಕುವೆಂಪು ಅವರ ಮಂತ್ರ ಮಾಂಗಲ್ಯದ ಮಾದರಿಯಲ್ಲಿ ಮದುವೆಯಾಗಲಿದ್ದಾರೆ.
