ಹಿಂದಿಯಲ್ಲಿ ನೋಡಿದವರು ಬುದ್ದಿಮಾತು ಹೇಳಿದ್ದು ಯಾರಿಗೆ ಗೊತ್ತಾ?

ಕನ್ನಡದಲ್ಲಂತೂ ದೈವೀಕ ಯಶಸ್ಸು. ಬ್ಲಾಕ್ ಬಸ್ಟರ್ ಹಿಟ್. ಹಿಸ್ಟಾರಿಕಲ್ ಹಿಟ್. ಬಾಕ್ಸಾಫೀಸ್ ಚಿಂದಿ ಚಿಂದಿ. ಚಿಂದಿ ಚಿತ್ರಾನ್ನ..ಬೂಂದಿ ಮೊಸರನ್ನ. ಸೂಪರ್ ಡ್ಯೂಪರ್ ಹಿಟ್. ಏನು ಬೇಕಾದರೂ ಹೇಳಬಹುದು. ಆದರೆ ಸಿನಿಮಾ ಅಂತೂ ಬೊಂಬಾಟ್. 3ನೇ ವಾರವೂ ಹೌಸ್‍ಫುಲ್. ಹೌಸ್‍ಫುಲ್. ಹೌಸ್‍ಫುಲ್. ಈಗಿನ್ನೂ ಹಿಂದಿ, ತೆಲುಗು, ತಮಿಳುನಲ್ಲಿ ರಿಲೀಸ್ ಆಗಿದೆ. ಮಲಯಾಳಂನಲ್ಲಿ ಮುಂದಿನ ವಾರ ಬಿಡುಗಡೆಯಾಗುತ್ತಿದೆ. ಈಗ ಹಿಂದಿಯಲ್ಲಿ ಚಿತ್ರ ನೋಡಿದವರು ಏನು ಹೇಳಿದ್ದಾರೆ ಎಂದು ಹುಡುಕಿದ್ರೆ ವಂಡರ್‍ಫುಲ್ ರಿಯಾಕ್ಷನ್ ಸಿಕ್ಕಿದೆ. ಇದೇ ವಾರ ಆಯುಷ್ಮಾನ್ ಖುರಾನ ಅಭಿನಯದ ಡಾಕ್ಟರ್ ಜಿ ಹಾಗೂ ಪರಿಣೀತಿ ಚೋಪ್ರಾ ನಟನೆಯ ಕೋಡ್ ನೇಮ್ ತಿರಂಗ ಸೇರಿದಂತೆ 7 ಚಿತ್ರಗಳು ರಿಲೀಸ್ ಆಗಿದ್ದವು. 7ಕ್ಕೆ ಏಳೂ ಡಲ್ಲು ಹೊಡೀತಿದ್ದರೆ ಕಾಂತಾರ ಮಾತ್ರ.. ವರಾಹ ರೂಪಂ.. ದೈವವರೀತಂ.. ಅಮೋಘಂ.. ಅದ್ಭುತಂ..
ಸಿನಿಮಾ ಚೆನ್ನಾಗಿದೆ. ಅದ್ಭುತವಾಗಿದೆ. ಸೂಪರ್. ಕನ್ನಡದಲ್ಲಿಯೂ ಒಂದ್ಸಲ ನೋಡ್ತೇನೆ. ಭಾಷೆಯ ವೊರಿಜಿನಾಲಿಟಿ ಗೊತ್ತಾಗೋದೆ ಅಲ್ಲಿ ಎಂದಿದ್ದಾರೆ. ಫೈಟಿಂಗ್, ರೊಮ್ಯಾನ್ಸ್ ಚಿತ್ರ ನೋಡಿದವರಿಗೆ ಇಷ್ಟವಾಗಿದೆ. ಒಬ್ಬರಂತೂ ಇನ್ನೊಬ್ಬ ಸತ್ಯಜಿತ್ ರೇ ಆಗುತ್ತಾರೆ ಎಂದಿದ್ದಾರೆ. ಬೆಂಗಳೂರಿನಲ್ಲೇ ಹಿಂದಿಯ ಕಾಂತಾರಗೆ 75 ಶೋ ಸಿಕ್ಕಿದೆ. ತೆಲುಗು ಕಾಂತಾರಗೆ 30 ಹಾಗೂ ತಮಿಳು ಕಾಂತಾರಗೆ 30 ಶೋ ಸಿಕ್ಕಿವೆ. ಕನ್ನಡದ ಒಂದೇ ಒಂದು ಶೋ ಕಡಿಮೆಯಾಗಿಲ್ಲ.
ಇಟ್ಸ್ ನಾಟ್ ಎ ಥ್ರಿಲ್ಲರ್. ಬಟ್ ಕಿಲ್ಲರ್.
5ಕ್ಕೆ ಎಷ್ಟು ಅಂಕ ಎಂದು ಕೇಳಬೇಡಿ. 10ಕ್ಕೆ ಎಷ್ಟು ಅಂತಾ ಕೇಳಿದ್ರೂ 10ಕ್ಕೆ 10 ಅಂಕ ಕೊಡ್ತೇನೆ.
ಸ್ಸೋ..ಸ್ಸೋ.. ಪ್ರೌಡ್. ಇನ್ನೊಂದು ಭಾಷೆಯ ಚಿತ್ರಗಳಿಂದ ಸ್ಫೂರ್ತಿ ಪಡೆಯುವುದೆಂದರೆ ಇದೇ ಇರಬೇಕು.
ಎಲ್ಲೋ ಒಂದ್ಕಡೆ ಪೈರಸಿ ಕಾಪಿ ಸಿಗುತ್ತೆ. ಆದರೆ ನೋಡಬೇಡಿ. ಥಿಯೇಟರಿಗೆ ಹೋಗಿ ನೋಡಿ. ಫೀಲ್ ಮಾಡಿಕೊಳ್ಳಿ.. ಹೀಗೆ ಹೇಳುತ್ತಿದ್ದಾರೆ. ಇದೀಗ ತಮಿಳಿನಿಂದ ಧನುಷ್ ಕೂಡಾ ಕಾಂತಾರ ಜೊತೆ ಕೈಜೋಡಿಸಿದ್ದಾರೆ. ದಕ್ಷಿಣ ಭಾರತ ಚಿತ್ರರಂಗವೇ ಕಾಂತಾರವನ್ನು ನೋಡಿ ಮೆಚ್ಚಿ ತಲೆಮೇಲೆ ಕಿರೀಟದಂತೆ ಇಟ್ಟುಕೊಂಡು ಮೆರವಣಿಗೆ ಹೊರಟಿದೆ.
ಇವೆಲ್ಲಕ್ಕಿಂತ ಹೆಚ್ಚಾಗಿ ಹಿಂದಿ ಚಿತ್ರಗಳಿಗೆ, ಬಾಲಿವುಡ್ ಮಂದಿಗೆ ದಕ್ಷಿಣದವರನ್ನು ನೋಡಿ ಕಲಿಯಿರಿ ಎಂದು ಹೇಳಿದ್ದಾರೆ. ಸಿನಿಮಾ ಹೇಗೆ ಮಾಡಬೇಕು? ನಮ್ಮ ನೆಲದ ಕಥೆ ಹೇಳಬೇಕು. ಇಲ್ಲದ ಕಥೆಯನ್ನೆಲ್ಲ ಹೇಳಬಾರದು. ಬರೀ ಎನ್‍ಆರ್‍ಐ ಕಥೆ ಹೇಳ್ತಾ ಹೋದ್ರೆ ನಾವ್ಯಾಕೆ ಸಿನಿಮಾ ನೋಡಬೇಕು? ನಮ್ಮ ಧರ್ಮವನ್ನ ಲೇವಡಿ ಮಾಡೋಕೆ ಸಿನಿಮಾ ಮಾಡಿದ್ರೆ ನಾವ್ಯಾಕೆ ನಿಮ್ಮ ಸಿನಿಮಾ ನೋಡ್ಬೇಕು? ಅದಕ್ಕೆ ದಕ್ಷಿಣದ ಚಿತ್ರಗಳನ್ನ ನೋಡಿ ಕಲೀರಿ ಎನ್ನುತ್ತಿದ್ದಾರೆ.
ಧರ್ಮವನ್ನ ಲೇವಡಿ ಮಾಡೋ ವಿಷಯ, ಬಾಯ್ಕಾಟ್ ವಿಚಾರ, ಪ್ರೇಕ್ಷಕರ ಬಗ್ಗೆ ಹಗುರಮಾತು.. ಹೀಗೆ ಹಲವು ಕಾರಣಗಳಿಂದ ಬಾಲಿವುಡ್ ಪ್ರೇಕ್ಷಕರನ್ನು ಕಳೆದುಕೊಳ್ಳುತ್ತಿರುವುದಂತೂ ಹೌದು. ಆದರೆ ಒಳ್ಳೆಯ ಸಿನಿಮಾ ಮಾಡಿದರೆ ಜನರಂತೂ ತಿರಸ್ಕರಿಸುವುದಿಲ್ಲ. ಅದೆಲ್ಲವನ್ನೂ ಬಿಡಿ.. ಕಾಂತಾರ ಜಯಭೇರಿ ಬಾರಿಸುತ್ತಿದೆ. ಕನ್ನಡಿಗರಾಗಿ ಖುಷಿ ಪಡೋಣ.