ಅಫ್ಘಾನಿಸ್ತಾನ (Afghanistan) ವಿರುದ್ಧದ ವಿಶ್ವಕಪ್ ಪಂದ್ಯಲ್ಲಿ ಗ್ಲೆನ್ ಮ್ಯಾಕ್ಸ್ʻವೆಲ್ (Glenn Maxwell) ಪವಾಡವನ್ನೇ ಮಾಡಿಬಿಟ್ಟರು. ಸೋಲು ಖಚಿತ ಎನ್ನುವಂತಿದ್ದ ಪಂದ್ಯವನ್ನ್ ಅದ್ಧೂರಿ ಆಟವಾಡಿ ಗೆಲ್ಲಿಸಿಕೊಂಡುಬಿಟ್ಟರು. ಆಡಿದ್ದು ಆಟ, ಹೊಡೆದಿದದ್ದು ಅಜೇಯ ದ್ವಿಶತಕ. ನಡೆದದ್ದು ಮಾತ್ರ ಪವಾಡ. ಅಜೇಯ 201 ರನ್ಗಳ (201 Runs) ಮಹಾನ್ ಇನ್ನಿಂಗ್ಸ್ನೊಂದಿಗೆ ತಂಡವನ್ನು ಗೆಲುವಿನ ದಡ ಸೇರಿಸಿದ ಗ್ಲೆನ್ ಮ್ಯಾಕ್ಸ್ವೆಲ್ ಬಹಳ ಅಪರೂಪದ ದಾಖಲೆಗಳನ್ನು ಮುರಿದಿದ್ದಾರೆ.
ಕಪಿಲ್ ದೇವ್ ಅವರ 40 ವರ್ಷ ಹಳೆಯ ದಾಖಲೆ ಪುಡಿ ಪುಡಿ : ಭಾರತದ ಕಪಿಲ್ ದೇವ್ (Kapil Dev) ಅವರ ,40 ವರ್ಷಗಳ ಹಿಂದಿನ ದಾಖಲೆ ಇಲ್ಲಿಯವರೆಗೂ ಅಭೇದ್ಯವಾಗಿತ್ತು. 1983ರ ವಿಶ್ವಕಪ್ ಪಂದ್ಯದಲ್ಲಿ (World Cup Match) 18ಕ್ಕೆ 5 ವಿಕೆಟ್ ಕಳೆದುಕೊಂಡಿದ್ದಾಗ ಬ್ಯಾಟಿಂಗ್ʻಗೆ ಆಗಮಿಸಿದ್ದ ಕಪಿಲ್ ದೇವ್ ಅಜೇಯ 175 ರನ್ ಬಾರಿಸಿ ತಂಡವನ್ನು ಗೆಲ್ಲಿಸಿದ್ದರು. ಈ ದಾಖಲೆಯನ್ನು ಗ್ಲೆನ್ ಮ್ಯಾಕ್ಸ್ವೆಲ್ ಮುಂಬೈನ ವಾಂಖೆಡೆ ಮೈದಾನದಲ್ಲಿ ತಮ್ಮ ಸಾಹಸಿಕ ಇನ್ನಿಂಗ್ಸ್ ಮೂಲಕ ಮುರಿದಿದ್ದಾರೆ. ಏಕದಿನ ಕ್ರಿಕೆಟ್ನಲ್ಲಿ 6 ಹಾಗೂ 6ಕ್ಕಿಂತ ಕೆಳಗಿನ ಕ್ರಮಾಂಕದ ಬ್ಯಾಟ್ಸ್ಮನ್ನ ಗರಿಷ್ಠ ಮೊತ್ತದ ದಾಖಲೆ ಈಗಿನವರೆಗೂ ಕಪಿಲ್ ದೇವ್ ಹೆಸರಲ್ಲೇ ಇತ್ತು. ಅದೀಗ ಬರೋಬ್ಬರಿ 40 ವರ್ಷಗಳ ನಂತರ ಗ್ಲೆನ್ ಮ್ಯಾಕ್ಸ್ವೆಲ್ ಪಾಲಾಗಿದೆ.
ದ್ವಿಶತಕ ಗಳಿಸಿದ ಮ್ಯಾಕ್ಸ್ʻವೆಲ್ ಓಪನರ್ ಅಲ್ಲ : ಹೌದು, ಇದೂ ಒಂದು ದಾಖಲೆಯೇ. ಇದುವರೆಗೆ ಏಕದಿನ ಕ್ರಿಕೆಟ್ʻನಲ್ಲಿ ದ್ವಿಶತಕ ಸಾಧಿಸಿರುವ ಆಟಗಾರರೆಲ್ಲರೂ ಓಪನರ್ ಆಗಿ ಆಡಿದ್ದವರು. ಏಕದಿನ ಕ್ರಿಕೆಟ್ ಇತಿಹಾಸದ ಮೊದಲ ದ್ವಿಶತಕ ಬಾರಿಸಿದ್ದ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್, (Sachin Tendulkar) 3 ದ್ವಿಶತಕ ಬಾರಿಸಿರುವ ಏಕೈಕ ಅಂತಾರಾಷ್ಟ್ರೀಯ ಕ್ರಿಕೆಟರ್ ರೋಹಿತ್ ಶರ್ಮಾ, (Rohit Sharma) ವೀರೇಂದ್ರ ಸೆಹ್ವಾಗ್, (Virender Sehwag), ಶುಭ್ʻಮನ್ ಗಿಲ್, (Shubman Gill), ಇಶಾನ್ ಕಿಶಾನ್, (Ishaan Kishan), ಕ್ರಿಸ್ ಗೇಲ್, (Chris Gayle), ಮಾರ್ಟಿನ್ ಗುಪ್ಪಿಲ್, (Martin Guppil), ಫಖರ್ ಜಮಾನ್ (Fakhr Zaman), ಎಲ್ಲರೂ ಓಪನರ್ʻಗಳೇ.
ರನ್ ಚೇಸಿಂಗ್ನಲ್ಲಿ ಮೊದಲ ದ್ವಿಶತಕ : ಏಕೆಂದರೆ ಈ ಮೊದಲು ಬಂದಿದ್ದ 8 ಆಟಗಾರರ 10 ಡಬಲ್ ಸೆಂಚುರಿಗಳೂ ಮೊದಲು ಬಾರಿ ಬ್ಯಾಟ್ ಮಾಡಿದ್ಧಾಗ ಬಂದಿದ್ದಂತಹವು. ಚೇಸ್ ಮಾಡುವಾಗ ದ್ವಿಶತಕ ಹೊಡೆದ ಮೊದಲ ಆಟಗಾರ ಗ್ಲೆನ್ ಮ್ಯಾಕ್ಸ್ʻವೆಲ್.
ಡಬಲ್ ಸೆಂಚುರಿ ದಾಖಲಿಸಿದ ಮೊದಲ ಆಸ್ಟ್ರೇಲಿಯ ಆಟಗಾರ (First Australian Player to Score a double century)
ವಿಶ್ವಕಪ್ʻನಲ್ಲಿ ಗರಿಷ್ಠ ಸಿಕ್ಸರ್ 3ನೇ ಸ್ಥಾನಕ್ಕೆ : 49 ಸಿಕ್ಸರ್ ಬಾರಿಸಿರುವ ಕ್ರಿಸ್ ಗೇಲ್ ಮೊದಲ ಸ್ಥಾನದಲ್ಲಿದ್ದರೆ, 45 ಸಿಕ್ಸರ್ ಸಿಡಿಸಿರುವ ರೋಹಿತ್ ಶರ್ಮ 2ನೇ ಸ್ಥಾನದಲ್ಲಿದ್ದಾರೆ. ಈ ಪಂದ್ಯದಲ್ಲಿ 10 ಸಿಕ್ಸರ್ ಸಿಡಿಸಿದ ಗ್ಲೆನ್, ಮ್ಯಾಕ್ಸ್ವೆಲ್ 3ನೇ ಸ್ಥಾನಕ್ಕೇರಿದ್ದಾರೆ.
ರನ್ ಚೇಸ್ʻನಲ್ಲಿ ಗರಿಷ್ಠ ಸ್ಕೋರ್ : ಏಕದಿನ ಕ್ರಿಕೆಟ್ನ ರನ್ ಚೇಸ್ನಲ್ಲಿ ಆಟಗಾರನೊಬ್ಬನ ಗರಿಷ್ಠ ಮೊತ್ತ ಇದಾಗಿದೆ. 2021ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಜೊಹಾನ್ಸ್ಬರ್ಗ್ನಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ ಪಾಕಿಸ್ತಾನದ ಫಖರ್ ಜಮಾನ್ ಬಾರಿಸಿದ 193 ರನ್ ಸಾಧನೆ 2ನೇ ಸ್ಥಾನಕ್ಕೆ ಕುಸಿದಿದೆ. ಶೇನ್ ವ್ಯಾಟ್ಸನ್ (183*), ಎಂಎಸ್ ಧೋನಿ (183*) (Dhoni) ನಂತರದ ಸ್ಥಾನದಲ್ಲಿದ್ದಾರೆ. ಇನ್ನು ವಿಶ್ವಕಪ್ನಲ್ಲಿ ಈ ಸಾಧನೆ ಆಂಡ್ರ್ಯೂ ಸ್ಟ್ರಾಸ್ ಹೆಸರಲ್ಲಿತ್ತು. 2011ರ ವಿಶ್ವಕಪ್ನಲ್ಲಿ ಭಾರತ ವಿರುದ್ಧ ಬೆಂಗಳೂರಿನಲ್ಲಿ ನಡೆದ ಪಂದ್ಯದಲ್ಲಿ ಅವರು 158 ರನ್ ಸಿಡಿಸಿದ್ದರು.
ಆರಂಭಿಕ ಆಟಗಾರನಲ್ಲದ ಬ್ಯಾಟ್ಸ್ಮನ್ನ ಗರಿಷ್ಠ ಮೊತ್ತ: ಏಕದಿನ ಕ್ರಿಕೆಟ್ನಲ್ಲಿ ಆರಂಭಿಕನಲ್ಲದ ಆಟಗಾರನ ಗರಿಷ್ಠ ಮೊತ್ತ ಇದು. 2009ರಲ್ಲಿ ಬಾಂಗ್ಲಾದೇಶ ವಿರುದ್ಧ ಜಿಂಬಾಬ್ವೆಯ ಚಾರ್ಲ್ಸ್ ಕಾವೆಂಟ್ರಿ ಅಜೇಯ 194 ರನ್ ಬಾರಿಸಿದ್ದು ಹಿಂದಿನ ದಾಖಲೆಯಾಗಿತ್ತು. ಇನ್ನು ವಿಶ್ವಕಪ್ನಲ್ಲಿ 1987ರಲ್ಲಿ ವೆಸ್ಟ್ ಇಂಡೀಸ್ನ ವಿವಿಯನ್ ರಿಚರ್ಡ್ಸ್ ಶ್ರೀಲಂಕಾ ವಿರುದ್ಧ ಕರಾಚಿಯಲ್ಲಿ 181 ರನ್ ಬಾರಿಸಿದ್ದು ದಾಖಲೆ ಎನಿಸಿತ್ತು.
2ನೇ ಅತ್ಯಂತ ವೇಗದ ದ್ವಿಶತಕ: ಏಕದಿನ ಕ್ರಿಕೆಟ್ನಲ್ಲಿ ಬಾಲ್ ಲೆಕ್ಕಾಚಾರದಲ್ಲಿ 2ನೇ ಅತ್ಯಂತ ವೇಗದ ದ್ವಿಶತಕ ಇದಾಗಿದೆ. 2022ರಲ್ಲಿ ಬಾಂಗ್ಲಾದೇಶ ವಿರುದ್ಧ ಇಶಾನ್ ಕಿಶನ್ 126 ಎಸೆತಗಳಲ್ಲಿ ದ್ವಿಶತಕ ಬಾರಿಸಿದ್ದು ದಾಖಲೆಯಾಗಿದೆ. ಮ್ಯಾಕ್ಸ್ವೆಲ್ 128 ಎಸೆತಗಳಲ್ಲಿ ದ್ವಿಶತಕ ಬಾರಿಸಿದ್ದಾರೆ.